| 1 | |
AF222a: 33v merḥūm Yaḥyā Paşa‑zāde efendiden menqūldür ki // otuz yıl bevāsir [!] marażına mübtelā olub āḫir diyār‑i ʿAcemden // bir ṭabīb‑i ḥāẕıq bu terkībi tertīb ėdüb bir aya [?] miqdārı // baqla qadarı istiʿmāl eylemekle ol marażdan berī olduġıdur // cevz‑i Hindī içi cevz‑i bevvā egir zencebīl 20 m 10 m 20 m 10 m qaranfil kebāb[e] afyūn zaʿferān 10 m 10 m 10 m 5 m misk 1 ʿasel‑i muṣaffā 300 ʿasele cüzʾī qıvāmdan ṣoñra // sāyirī eczā afyūn ṣuyıyla ıṣlanub qıvāma gelen bala qata baʿdehū // zaʿferān miske qatub mecmūʿını maʿcūn ėde nāfiʿ inşāʾa llāhu taʿālā // dīger // beş dirhem göz taşın yaqub altmış dirhem qurı qızıl // üzüm çekirdegin çıqarub göz taşıyla ḥavānda saḥq ėdüb // noḥud [!] qadar ḥabblar ėde ṣabāḥ ve aḥşam üçer dānesin yiye bi‑iẕni llāhi // defʿ ola ṭuzlı balġam daḫı bevāṣırdandur [!] // ṣarımsaġı keçinüñ bögrüñ yaġı‑yla qavurub on beş gün aç // qarnına yiyeler ṣarımsaq diş diş pāk muqaşşer olmaq gerekdür // yürekde ve ṭamarda olan bevāṣırı [!] inşāʾa llāh dāfiʿdür Right margin: maʿcūn‑i anduz // anduz direm 5 maṣṭakī direm 5 egir m 5 günlük m 5 cümleʾi ber‑ā‑ber dögüp eleye ve bir birin ḫalṭ ėdüp // eyüce ʿasel ile maʿcūn ėdüb ṣabāḥ ve aḥşam // cevz‑i bevvā qadar istiʿmāl eyleye menāfiʿi ẕikr // olınur baş göz diş aġrısına yereqān‑i // esved yereqān‑i aṣfara behaq‑i esvede ve … [?] // beḥaqa ve öksürüge ve ... [?] ısıtmasına ve talaq ve // miʿde aġrısına ve mes̱ānede taşı eritmege ve // ṣu yolına idrāra beñze ḥümret vėrür // uyuzı giderür qalbe feraḥ vėrür ve ʿırqu // n‑nesā ve bėl aġrısına ve ṣancu ve vecaʿ‑i mefāṣıla // nāfiʿdür haẓm‑i ṭaʿām ėder // sidigi ṭutulan kimsenüñ ẕekeri delügine bir cüzʾī // misk qoyasız fī l‑ḥāl fetḥ ola bi‑ʿināyeti llāhi // taʿālā ṣaḥḥ // fāʾide // kedi ödin göze çekeler gėcede gündüz // gibi görür ola // kirpik dökülse ve göz yaşarsa ḫurmā çekirdegini yaqup külini göze çeke kirpigi bite ve göz yaşı diñe |